Reseilik saiasattanýshy, aimaqtyq problemalar institýtynyń direktory Dmitrii Jýravlev "Jýsan" operatsiiasyna qatysty pikir bildirdi. Bul týraly Qazaqstan Respýblikasynyń Resei Federatsiiasyndaǵy Elshiliginiń baspasóz qyzmeti jazdy.
Qaýipti aimaqtan azamattaryn qaitarý arqyly Qazaq eli óziniń órkenietti memleket ekenin kórsetti. Sondyqtan, elimizdiń bul qadamyn Batys álemi, jalpy órkenietti elder laiyqty baǵalaidy. Osylaisha, atalmysh gýmanitarlyq shara Qazaqstannyń halyqaralyq arenadaǵy imidjine oń áser etedi. Ulttyq arnaǵa jeke suhbat bergen aimaqtyq problemalar institýtynyń direktory Dmitrii Jýravlev osylai dedi.
Reseilik saiasattanýshynyń aitýynsha, Qazaqstan "Jýsan" operatsiiasy arqyly azamattary Siriiada júrgen ózge de TMD elderine jol kórsetip otyr.
Aimaqtyq problemalar institýtynyń direktory Dmitrii Jýravlev: "Adamdardyń qiyn jaǵdaidan qutqarylyp, Otanyna aman-esen kelgeni, Qazaqstandaǵy quzyrly organardyń kez kelgen jaǵdaida áreket etýge qaýqarly ekenin kórsetip otyr. Biraq, men bul operatsiiadan taǵy bir mańyzdy jaitty kórip otyrmyn. Jalpy, kez kelgen el órkenietti bolǵan saiyn, ondaǵy árbir adamnyń ómiri qundy bola túsedi. Sondyqtan, qazaq biligi óz azamattaryn qutqarý arqyly, eldegi árbir adamnyń ómiri baǵaly ekenin kórsetip otyr. Prezident Nursultan Nazarbaev aitqandai, Qazaq memleketi Siriiaǵa óz erikterimen ketken azamattaryn dalada qaldyrǵan joq. Eń basty dúnie – osy", - deidi.
