Reseilik pýlmonolog dáriger Aleksei Nikishenkovtiń aitýynsha, koronavirýstyń «Delta» ataýy berilgen úndi shtamy asqazan-ishek jolynyń buzylýy túrinde baiqalýy múmkin. Sońǵy kezde kóptegen reseilikter osyndai aýrý belgilerin aityp shaǵymdanýda. Bul týraly TASS aqparat agenttigi habarlady, dep jazady QazAqparat.
«Ádette biz aldymyzda qandai shtamm ekenin bilmeimiz, sebebi tájiribemizde koronavirýs túrlerin zertteý júrgizilmeidi. Biraq sońǵy ýaqytta, «Delta» shtamy tarala bastaǵan kezden bastap koronavirýsqa shaldyqqan patsientterdiń asqazan-ishek jolynyń buzylýy – ish ótý, ishtiń aýyrýyna qatysty shaǵymdaryn jii aitatynyn atap ótkim keledi. Bul buryn bolǵan jótel, álsizdik, mialgiiaǵa qosylǵan jańa belgiler», - dedi ol.
«Delta» shtamyn juqtyryp alǵan patsientterde «asqazan kovidiniń» paida bolýyn immýnolog dáriger Vladimir Bolibok ta rastady.
Qazirgi kezde basyp kirgen kovid úshin «Delta» shtamy «asqazan sindromy» nemese «asqazan kovidi» sipatynda. Aýrýdyń burynǵy belgilerine endi ishtiń aýyrýy, qusý jáne ishtiń ótýi jii qosylyp otyr», - dep baiandady ol.
Bul rette virýsolog dáriger Viktor Larichev óz kezeginde koronavirýstyń ýhandik shtamyn juqtyryp alǵan patsientterden anyqtalǵan aýrý belgileri úndi shtamymen birdei ekenine senimdi. «Aýrý belgileri ózgergen joq. Barlyq infektsiialyq aýrýlar kezinde birinshi kezekte dene temperatýrasy kóteriledi – buryn qandai boldy, solai qalǵan», - dep atap ótti ol.
Resmi túrde «Delta» ataýyn alǵan koronavirýstyń bir túri alǵash ret ótken jyldyń qazanynda Úndistanda anyqtalǵan. Buǵan deiin Búkilúndilik meditsinalyq zertteýler institýty virýstyń bul nusqasy adamdarǵa Úndistanda qoldanylyp júrgen Covaxin jáne Covishield vaktsinalaryn saldyrtqan soń da juǵa alatnyn málimdedi. Al bul shtamnyń «Delta pliýs» atty nusqasy odan da juqpaly.
