رەسەيلٸك پۋلمونولوگ دەرٸگەر الەكسەي نيكيشەنكوۆتٸڭ ايتۋىنشا, كوروناۆيرۋستىڭ «دەلتا» اتاۋى بەرٸلگەن ٷندٸ شتامى اسقازان-ٸشەك جولىنىڭ بۇزىلۋى تٷرٸندە بايقالۋى مٷمكٸن. سوڭعى كەزدە كٶپتەگەن رەسەيلٸكتەر وسىنداي اۋرۋ بەلگٸلەرٸن ايتىپ شاعىمدانۋدا. بۇل تۋرالى تاسس اقپارات اگەنتتٸگٸ حابارلادى, دەپ جازادى قازاقپارات.
«ەدەتتە بٸز الدىمىزدا قانداي شتامم ەكەنٸن بٸلمەيمٸز, سەبەبٸ تەجٸريبەمٸزدە كوروناۆيرۋس تٷرلەرٸن زەرتتەۋ جٷرگٸزٸلمەيدٸ. بٸراق سوڭعى ۋاقىتتا, «دەلتا» شتامى تارالا باستاعان كەزدەن باستاپ كوروناۆيرۋسقا شالدىققان پاتسيەنتتەردٸڭ اسقازان-ٸشەك جولىنىڭ بۇزىلۋى – ٸش ٶتۋ, ٸشتٸڭ اۋىرۋىنا قاتىستى شاعىمدارىن جيٸ ايتاتىنىن اتاپ ٶتكٸم كەلەدٸ. بۇل بۇرىن بولعان جٶتەل, ەلسٸزدٸك, ميالگيياعا قوسىلعان جاڭا بەلگٸلەر», - دەدٸ ول.
«دەلتا» شتامىن جۇقتىرىپ العان پاتسيەنتتەردە «اسقازان كوۆيدٸنٸڭ» پايدا بولۋىن يممۋنولوگ دەرٸگەر ۆلاديمير بوليبوك تا راستادى.
قازٸرگٸ كەزدە باسىپ كٸرگەن كوۆيد ٷشٸن «دەلتا» شتامى «اسقازان سيندرومى» نەمەسە «اسقازان كوۆيدٸ» سيپاتىندا. اۋرۋدىڭ بۇرىنعى بەلگٸلەرٸنە ەندٸ ٸشتٸڭ اۋىرۋى, قۇسۋ جەنە ٸشتٸڭ ٶتۋٸ جيٸ قوسىلىپ وتىر», - دەپ باياندادى ول.
بۇل رەتتە ۆيرۋسولوگ دەرٸگەر ۆيكتور لاريچەۆ ٶز كەزەگٸندە كوروناۆيرۋستىڭ ۋحاندٸك شتامىن جۇقتىرىپ العان پاتسيەنتتەردەن انىقتالعان اۋرۋ بەلگٸلەرٸ ٷندٸ شتامىمەن بٸردەي ەكەنٸنە سەنٸمدٸ. «اۋرۋ بەلگٸلەرٸ ٶزگەرگەن جوق. بارلىق ينفەكتسييالىق اۋرۋلار كەزٸندە بٸرٸنشٸ كەزەكتە دەنە تەمپەراتۋراسى كٶتەرٸلەدٸ – بۇرىن قانداي بولدى, سولاي قالعان», - دەپ اتاپ ٶتتٸ ول.
رەسمي تٷردە «دەلتا» اتاۋىن العان كوروناۆيرۋستىڭ بٸر تٷرٸ العاش رەت ٶتكەن جىلدىڭ قازانىندا ٷندٸستاندا انىقتالعان. بۇعان دەيٸن بٷكٸلٷندٸلٸك مەديتسينالىق زەرتتەۋلەر ينستيتۋتى ۆيرۋستىڭ بۇل نۇسقاسى ادامدارعا ٷندٸستاندا قولدانىلىپ جٷرگەن Covaxin جەنە Covishield ۆاكتسينالارىن سالدىرتقان سوڭ دا جۇعا الاتنىن مەلٸمدەدٸ. ال بۇل شتامنىڭ «دەلتا پليۋس» اتتى نۇسقاسى ودان دا جۇقپالى.
