Túmen oblysynda úshinshi qazaq synyby ashyldy. Alǵashqy ashyq sabaqqa oqýshylardyń ata-analary, ata-ájeleri keldi, - dep habarlaidy Sputnik Qazaqstan.
"Qazaq tilinen alǵashqy ashyq sabaqqa 40 oqýshy, ata-analary men týystary keldi. Synypqa oqýshy qabyldaý jalǵasyp jatyr. Ózge aýyldarda da qazaq tilin meńgergisi keletinder bar", - dedi Túmen oblysyndaǵy qazaqtardyń ulttyq-mádeni avtonomiiasynyń prezidenti Esenǵali Ybyraev.
Ol aýyldaǵy qazaqtar dástúrdi saqtap qalǵanyn aitty.
"Dál osy jerde birneshe jyl buryn Túmen oblysy qazaqtarynyń alǵashqy quryltaiy ótti. Búginde Dúisenbai aǵa Bequjynov jetekshilik etetin bizdiń avtonomiianyń jergilikti bólimshesi ulttyq-mádeni jobalardy belsendi júzege asyrady", - dedi Ybyraev.
Qazaqstannyń Reseidegi elshiliginiń málimetine sáikes, Golyshmanov aýdanynda eki myńǵa jýyq qazaq turady.
Ótken jyldyń qazan aiynda Túmen oblysyndaǵy Ýporovo aýylynda jańa qazaq synyptary úshin alǵashqy qońyraý soǵyldy.
