Reseilik dáriger Aleksei Nikitin nege Ombydan Astanaǵa kóshýdi jón kórgenin aitty, - dep habarlaidy Tengrinews.kz agenttigi "Astana" telearnasyna silteme jasap.
Aleksei negizi Kókshetaýdan, mektepten keiin birden mamandyq alýǵa Reseige ketken. Sol jerde qalyp, otbasyn qurǵan. Degenmen, keiingi oqiǵalar 15 jyldyq tájiribesi bar tabysty hirýrgty qiyn sheshim qabyldaýǵa májbúr etti.
"Bul, shynynda da, ońai emes. Ombyda kóp nársege qoljetkizdim. Qazir bolyp jatqan jaǵdaiǵa bailanysty jáne sol saiasatqa bailanysty... Men bolashaq ómirim men balalarymnyń ómirin Reseide qarastyra almadym", - dedi ol.
Qazaqstanda Aleksei qazaq tilin úirenýdi maqsat etken. Úsh aida jańalyqtardy qazaqsha oqi bastaǵan. Sheteldikterge Qazaqstannyń memlekettik Ánuranyn bilýge keńes beredi. Qonaqjailylyqqa qurmet retinde.
"Reseilikter arasynda qazaq tilin úirenýge degen qulshynys kúnnen-kúnge artyp keledi. Óitkeni qoǵamǵa assimiliatsiia tolyq ený nátijesinde ǵana múmkin. Al qazaq tilin bilmeiinshe, bul múmkin emes", - deidi reseilik.
Aleksei reseilikterdiń Qazaqstanǵa degen zor qyzyǵýshylyǵyn osynda damýǵa bolatyndyǵymen bailanystyrady.
"Qazaqstanda meditsinany, meditsina ǵylymyn jáne praktikalyq meditsinany damytýǵa zor áleýet bar. Dáriger retinde, uiymdastyrýshy dáriger retinde muny jaqsy baiqaimyn. Biz, reseilikter, bul jerde qazaqstandyq meditsinanyń tehnologiialyq damý turǵysynan keremet damý deńgeiimen betpe-bet kelip otyrmyz", - dep atap ótti maman.
