Foto: © RF qorǵanys ministrligi
Norvegiianyń barlaý qyzmeti reseilik kemelerdiń 30 jylda alǵash ret iadrolyq qarýmen teńizge shyqqanyn habarlady. Pýtin buǵan deiin Batys "iadrolyq bopsalaýdy qoldanady" dep aityp, barlyq qorǵanys quraldaryn qoldanýǵa ýáde bergen bolatyn, dep habarlaidy Qaz365.kz portaly rbc.ru saityna silteme jasap.
“Reseidiń Soltústik flotynyń kemeleri 30 jylda alǵash ret teńizge taktikalyq iadrolyq qarýmen shyǵa bastady”, – dep málimdedi Norvegiianyń barlaý qyzmeti (NIS) jyl saiynǵy baiandamasynda.
Qujatta keńes dáýirinde Soltústik flottyń áskeri kemeleri taktikalyq iadrolyq qarýmen teńizge únemi shyǵyp turǵany aitylǵan, biraq qyrǵi qabaq soǵystan beri mundai habarlar estilmei ketken.
Barlaý málimetteri boiynsha, Ýkrainada soǵys bastalǵannan keiin "Resei úshin iadrolyq qarýdyń mańyzdylyǵy aitarlyqtai óse túsken".
"Iadrolyq áleýettiń ortalyq bóligi Soltústik flottyń súńgýir qaiyqtarynda jáne jer ústi kemelerinde ornalasqan. Iadrolyq qarý NATO elderi qatysa alatyn operatsiialar nusqalarynda erekshe qaýip tóndiredi", - delingen Norvegiia barlaý qyzmetiniń habarlamasynda.
Aita keteiik, Soltústik flot - Severomorsk qalasynda ornalasqan Resei áskeri-teńiz kúshteriniń jedel strategiialyq birlestigi. Flotiliia quramyna 80-nen astam súńgýir qaiyq pen jer ústi kemesi, onyń ishinde daýysy zor qarý tasymaldaýshylar kiredi.
