Resei memlekettik dýmasynyń depýtaty Vitalii Milonov Qazaqstanǵa Ońtústik Koreiadaǵy Olimpiadaǵa qatysýdan bas tartýdy usyndy, dep habarlaidy RIA Novosti.
Milonov sonymen birge BRIKS quramyndaǵy elderdiń, Belarýs pen Qyrǵyzstannyń ulttyq olimpiada komitetterinen Reseimen yntymaqtastyǵynyń belgisi retinde jarysqa qatyspaýdy surady.
"Bizdiń elmen yntymaqtastyqtaryńyzdy kórsetip, Resei quramasy qatyspaityn bolsa, Olimpiadadan bas tartýdy usynamyn. Bizdiń elder únemi soltústik atlantikalyq imperalizmmen betpe-bet kelip júr. AQSh pen onyń jaqtastary ár ýaqytta elderimizge saiasi qysym kórsetip, ekonomikalyq turǵyda bopsalap keldi. Qazir Sem kókemizdiń basty nysanasy - Resei. Biraq Batystyń ekonomikalyq aranynyń toqpaǵyna erteń sizdiń de Otanyńyz ushyramaitynyna kim kepil?", — dep málimdedi Milonov.
Depýtattyń pikirinshe, Resei Halyqaralyq olimpiada komitetiniń qurbany bolyp otyr.
Qysqy Olimpiada oiyndary Ońtústik Koreianyń Phenchhan qalasynda 2018 jyly 9-25 aqpan aralyǵynda ótedi. Reseidiń olimpiada komiteti HOK atqarýshy komitetiniń sheshimimen jarystan alastatylǵan.
