Shymkent qalasyna Reseiden bir top dáriger keldi. Kórshi eldiń mamandary qalada koronavirýs infektsiiasymen kúres boiynsha tájiribe almasyp, konsýltatsiialyq-ádistemelik kómek kórsetpek, dep habarlaidy "Ult aqparat".
Reseilik dárigerlerdiń arasynda infektsionist, reanimatolog, anesteziolog-reanimatolog, epidemiologtar bar. Olar 4 topqa bólinip, belgili bir aýrýhanaǵa bekitiledi.
Búgin qala ákimi Murat Áitenov arnaiy toppen kezdesip, qaladaǵy qazirgi epidemiologiialyq jaǵdaidy baiandady.
«Búgingi tańda álem boiynsha dárigerler koronavirýs infektsiiasyn emdeýdiń jańa ádisterin zerttep, ózara tájiribe almasýda. Memleketter arasyndaǵy tyǵyz yntymaqtastyqtyń arqasynda biliktilik arttyryp, tájiribe almasý múmkindigine ie bolyp otyr. Osy oraida sizderdi Shymkent qalasynda kórip otyrǵanymyzǵa qýanyshtymyz», - dedi Murat Áitenov.
Aita keteiik, búginde qalada koronovirýspen kúreske 3264 meditsina qyzmetkeri jumyldyrylǵan.
