Reseilik 40 jastaǵy bloger Vitalii Vygranovskii 40 kúndik ashtyqtan keiin Abhaziiada qaitys boldy, dep habarlaidy "Dvach/Niýsach" Telegram kanaly.
Ol kópten beri aǵzasyn ashtyqpen synap, tamaqsyz 40 kúndik marafon ótkizgisi kelgen. Alaida ol ashtyqty dárigerdiń baqylaýynsyz júrgizgen.
Bloger ashtyq marafonyn naýryzdyń ortasynda Máskeýde bastaidy. On kúnnen keiin ony qalanyń qarbalasy sharshatyp, Abhaziiaǵa ketedi.
20-shy kúni bloger óziniń "tolyq tazarǵanyn" aitady. Degenmen osy ýaqyttyń ózinde ol qatty aryqtap, bulshyq etteri joǵalyp, denesi salbyrap ketken edi. Onyń fizikalyq belsendiligi azaiyp, tek júre alatyn hálge túsedi, dep jazady lenta.ru.
Marafonnyń 30-shy kúni er adamnyń ystyǵy kóterildi. 35-shi kúni ol óziniń blogynda ólimniń jaqyndap qalǵanyn sezetinin aitady, biraq ashtyqty toqtatpady.
Marafonnyń qyrqynshy kúni bloger kóz jumdy.
