"Mama Liýba" hitiniń oryndaýshysy, "Serebro" tobynyń solisi Olga Seriabkina tikelei efirde "Qazaqstanǵa túkirgenim bar" dedi, - dep habarlaidy kaz.tengrinews.kz. Efir 9 aqpanda 15.00-de RuTv arnasynda kórsetilgen.
Kadrlardan Olga Seriabkinanyń "Kazahstan...? Plevat na Kaz..." degenin estýge bolady. Bul sózdi onyń ne sebepti aitqany belgisiz.
Osyǵan bailanysty Internette Seriabkina synnyń astynda qaldy. Qazaqstandyqtar ony Qazaqstanǵa zań júzinde kirgizbeý kerek dep otyr.
Al "Serebro" tobynyń ókili Elena Vakýlina Tengrinews.kz tilshisine bergen suhbatynda ártisterdiń qazirgi ýaqytta demalyp jatqanyn habarlady. "Bul sózderdiń qandai kontekstte aitylǵanyn túsiný kerek. Árine, túsinbestik. Bul oiyn bolǵan. Búgin Olia videoúndeý jasaidy", - dedi Vakýlina.
