Reseidiń kóbine Sheshenstan men Daǵystannan kelgen júzdegen qajylary men stýdentteri naýryz aiynan beri Saýd Arabiiasynan qaita almai júr. Bul aqparatty Reseidiń sondaǵy azamattarynyń birimen sóilesken "Otkrytye media" jariialaǵan.
Dinara Nurimanova-Iakýpovanyń sózinshe, naýryz aiynyń sońynan bastap Resei konsýldyǵy men syrtqy ister ministrligi týristerdi Reseige ákete me, joq pa degen saýalǵa da jaýap berýdi doǵarǵan. Mysaly, AQSh, Ulybritaniia jáne Frantsiia Saýd Arabiiasynda qalyp qoiǵan otandastaryn arnaýly reistermen áketip jatyr.
Rosaviatsiia taiaý arada Saýd Arabiiasynan evakýatsiialyq reis jasaityn jospary joqtyǵyn rastady, al problema "Resei aimaqtarynyń óz adamdaryn qabyldaýǵa daiyndyǵyna, atap aitqanda "olardy oqshaýlaýǵa qajetti jaǵdai jasai ala ma" degen máselege tirelip turǵan kórinedi.
Nurimanova – Iakýpovanyń aitýynsha, "Saýd Arabiiasynda qalyp qoiǵandar arasynda jeke ushaqqa aqsha tóleýge daiyn azamattar da tabylǵan jáne olar Reseiden ushyp shyǵýǵa ruqsaty bar aviakompaniiamen kelisip te qoiǵan. Alaida reisti Resei konsýldyǵy rettegisi kelmeidi".
Dúisenbi, 13 aqpannan bastap Sheshenstan biligi turǵyndardy úiden tek ruqsat qaǵazben shyǵa alatyn rejimge kóshirgen, olarǵa jeksenbi kúni dúken men dárihanaǵa barýǵa da ruqsat joq.
