«Progress MS-04» júk kemesin tirkegen «Soiýz-Ý» zymyran tasyǵyshynyń Baiqońyrdan ushyrylǵan sáti. 1 jeltoqsan 2016 jyl.
Áýede apatqa ushyraǵan «Progress MS-04» ǵarysh júk kemesiniń synyqtary Reseidiń Týva aimaǵynan tabylǵan. Bul týraly aqparat Resei tótenshe jaǵdailar ministrligi saitynda jariialandy.
Ǵarysh apparatynyń synyǵyn – diametri 90 santimetr bolatyn metaldan jasalǵan domalaq zatty jergilikti turǵyndardyń biri taýyp alǵan. Politsiia zat tabylǵan jerdi Reseidiń ǵarysh mekemesi («Roskosmos») qyzmetkerleri kelgenshe qorshaýǵa alǵan.
Buǵan deiin jeltoqsannyń 1-i kúni Qazaqstannyń Baiqońyr ǵarysh ailaǵynan halyqaralyq ǵarysh stantsiiasyna «Progress MS-04» júk kemesin tirkep ushqan «Soiýz-Ý» zymyran tasyǵyshy aýada janyp ketip, bólshekteri Týva respýblikasy aýmaǵyna túskeni habarlanǵan. Apattyń naqty sebebi ázirshe belgisiz.
