Beisenbi kúni Soltústik Koreia lideri Kim Chen Yn Resei Federatsiiasy SIM basshysy Sergei Lavrovty qabyldady, dep habarlaidy Renhap agenttigi.
Kezdesýde Lavrov Kim Chen Ynǵa Resei prezidenti Vladimir Pýtinniń Korei túbegindegi jaǵdaidy diplomatiialyq retteýge úmit artqan hatyn bergen.
TASS agenttiginiń habarlaýynsha, Lavrov Soltústik Koreia liderin Reseige shaqyrǵan. Aita ketý kerek, ol Reseidiń sońǵy toǵyz jylda alǵash ret Soltústik Koreiaǵa kelgen syrtqy ister ministri boldy.
Resei SIM basshysy Soltústik Koreia men Ońtústik Koreia arasyndaǵy qarym-qatynastardyń jandana túskenine, sondai-aq AQSh-pen tarihi sammit ótkizý ideiasyna qýanyshty ekenin aitty.
Sapar aiasynda Lavrov Soltústik Koreianyń negizin qalaýshy Kim Ir Sen jáne qazirgi liderdiń ákesi Kim Chen Irge qurmet bildirip, olardyń Mansý Hill aýdanyndaǵy eskertkishterine gúl shoqtaryn qoidy.
