Reseilik shoý-biznes juldyzdary Abaidyń 175 jyldyǵyna arnalǵan estafetany qabyl aldy, dep habarlaidy "Ult aqparat".
Mýz-TV telearnasynyń bas direktory Arman Dáýletiiarov óleń oqý tapsyrmasyn Rinat Gaisin men Nurbolat Abdýllinnen qabyldaǵan. Ol Abaidyń «Qulaqtan kirip boidy alar» óleńinen úzindi oqydy jáne estafetany reseilik ánshi Valeriiaǵa, prodiýser Iosif Prigojinge, Evgenii Pliýshenko men Iana Rýdkovskaiaǵa, Qazaqstanda Altai Kólginov pen Baýyrjan Baibekke joldady.
Óz kezeginde tanymal ánshi Valeriia uly aqynnyń «Ne ýpivaisia prazdnoi krasotoi» óleńin orys tilinde oqydy jáne estafetany Lera Kýdriavtsevaǵa joldady.
Prodiýser Iosif Prigojin «Ásempaz bolma árnege» óleńin orys tilinde oqyp, kezekti A-Stýdio tobynyń jetekshisi Baiǵali Serkebaevqa joldady.
Aita keteiik, buǵan deiin QR Prezidenti Qasym-Jomart Toqaev 9 jastaǵy mektep oqýshysynyń estafetasyn qabyl alyp, ony Bilim jáne ǵylym ministri Ashat Aimaǵambetovke, Mádeniet jáne sport ministri Aqtoty Raiymqulovaǵa jáne búkil álemdi moiyndatqan talantty ánshi Dimash Qudaibergenge joldaǵan edi.
