Reseidiń Rostov oblysynda jasóspirim basqarǵan avtokólik jol apatyna ushyrady. Sonyń saldarynan kóliktegi alty adamnyń beseýi qaza tapty. Bul týraly jeksenbi kúni óńirdegi RF IIM Bas basqarmasy málim etti, dep habarlaidy "Ult aqparat" reseilik TASS agettigine silteme jasap.
«Aldyn ala málimetter boiynsha kólik quralyn 2007 jyly týǵan kámeletke tolmaǵan jasóspirim basqarǵan. Avtokólikte alty adam bolǵan. Zardap shekken bir adam jansaqtaý bóliminde jatsa, qalǵany kóz jumdy», - delingen vedomstvo habarlamasynda.
Novocherkassk meriiasy óz kezeginde zardap shekken balanyń jaǵdaiy ortasha aýyr ekenin aitty.
Rostov oblysy Jol qozǵalysy qaýipsizdigi memlekettik inspektsiiasy basqarmasynyń úgit-nasihat bólimi aldyn-ala málimetter boiynsha, qaitys bolǵandardyń barlyǵy kámeletke tolmaǵan balalar ekenin naqtylady.
«Qazirgi ýaqytta jol-kólik oqiǵasy bolǵan jerde jedel tergeý toby jumys istep jatyr, jol apatyna bailanysty jaǵdailar men sebepter anyqtalý ústinde», - dedi inspektsiia ókili.
Jol-kólik oqiǵasy jeksenbide Máskeý ýaqytymen 04:30 shamasynda Novocherkassk qalasynda bolǵan. «Hyundai Accent» markaly avtokóligi Mashinajasaý kóshesindegi №4 úidiń aýlasyndaǵy aǵashqa soǵylǵan. Kólikte bolǵan adamdardyń kim ekeni anyqtalýda.
Rostov oblysynyń prokýratýrasy jol qozǵalysy qaýipsizdigi týraly zańnamanyń saqtalýyn tekserip jatyr, dep habarlady qadaǵalaý departamentiniń baspasóz qyzmeti. Tekserý barysynda rólde bolǵan kámeletke tolmaǵan balanyń ata-analary men zańdy ókilderiniń is-áreketterine baǵa beriledi, sondai-aq prokýrorlyq den qoiý sharalary qabyldanady.
