Reseidiń mádeniet ministri Olga Liýbimova koronavirýsqa test tapsyryp, ministrden virýs bary anyqtaldy. Bul týraly ministrdiń baspasóz hatshysyna silteme jasaǵan "RIA Novosti" agenttigi habarlady.
Baspasóz hatshysynyń sózine qaraǵanda "aýrý jeńil ótip jatyr, sondyqtan aýrýhanaǵa jatqyzý máselesi týyndap otyrǵan joq". Liýbimovanyń qansha ret test tapsyrǵany belgisiz. Ol ázirge qashyqtan jumys istep jatyr.
39 jastaǵy Liýbimova qańtar aiynda mádeniet ministri bolyp taǵaiyndalǵan, oǵan deiin kino damytý isimen shuǵyldanǵan, onyń aldynda Birinshi arnada istegen.
Liýbimova - Resei úkimeti músheleri arasynda koronavirýs tabylǵan úshinshi sheneýnik. Buǵan deiin premer-ministr Mihail Mishýstinnen koronavirýs tabylyp, ýaqytsha demalys alǵan. Qurylys ministri Vladimir Iakýshevke de virýs juqqany anyqtalǵan edi.
Epidemiia taraǵaly beri Reseide 165 929 adamnan koronavirýs tabylǵan. Eger indet ári qarai da osyndai qarqynmen jaiylsa, Resei beisenbi kúni Germaniiany qýyp jetip, koronavirýs kóp tabylǵan álemdegi alǵashy bes eldiń qataryna kiredi.
