Qutqarýshylar "Listviajnaia" shahtasynda 25 qarashadaǵy jarylystan qaza bolǵan 18 shahterdiń denesin tapty. Bul týraly Kemerovo oblysynyń tótenshe jaǵdailar qyzmetine súiene otyryp "Interfaks" habarlady.
"Qaza bolǵan 18 adamnyń qai jerde ekeni anyqtaldy, on adamnyń denesin shyǵarýǵa daiyndadyq. Metannyń shekten tys kóbeiýine bailanysty syrtqa shyǵarý máselesi toqtap qaldy", – deidi vedomstvo.
Qazirge deiin barlyǵy 29 adamnyń denesi tabylyp, 11-i jer betine shyǵarylǵan.
- 25 qarashada "Listviajnaia" shahtasynda jarylys bolyp, shahterlar men qutqarýshylardan 51 adam qaitys bolǵan. 92 adamnan astam adam zardap shekken.
- Ázirgi boljamdarǵa qaraǵanda, shahtiorlar men qutqarýshylar metan jarylysy men onyń saldarynan qaitys bolǵan.
- Zardap shekkenderdiń týystarynyń aitýynsha, keiingi jyldary shahtada shahter ómirine qaýip tóndiretin ondaǵan kemshilik anyqtalǵan, biraq kásiporyn basshylyǵy shara qoldanbaǵan.
