Áleýmettik jelilerde Resei Federatsiiasynyń Anapa kýrorttyq qalasynda qyzyl qońyzdardyń qaptap ketkeni túsirilgen videojazbalar taralyp jatyr, dep habarlaidy "Ult aqparat".
«Qonaqúide, jaǵajaida júrý múmkin emes. Barlyq jatyn oryndar bos. Bul mýtatsiialanǵan qyzyl qońyzdar tárizdi. Olar shaǵyp alady. Barlyq jerde júr. Qolyńdy sozsań boldy, birden kóresiń», - deidi videodaǵy jas qyz.
Shynymen de, videoda jaǵajaidy jailap alǵan qyzyl qońyzdardyń tym kóp ekeni kórinip tur.
Taǵy bir videoda eki er adamnyń qyzyl qońyzdardan qashyp júrgeni baiqalady.
«Mundaidy buryn kórmegen edim», - deidi kadrdaǵy er adam.
BAQ jándikterdiń Anapa jaǵajaiyn basyp alýy týraly baiandap otyr.
«Entomolog mamandardyń aitýynsha, qyzyl qońyzdyń teńizge qarai jappai ushyp kelý sebepteriniń biri – salqyn ári jańbyrly jaz mezgili. Aýa raiynyń qalypty emes jaǵdaiy jándikter migratsiiasyn kúsheitedi. Anapadaǵy jańbyrdan keiin kelgen ystyq kún raiy qyzyl qońyzdar úshin jaily orta qalyptastyrǵan», - dep habarlaidy qalalyq Anapa.Media portaly.
Mamandar qyzyl qońyzdardyń 10 jylda bir ret jappai kóbeietinin atap ótti. Jándikterdiń árbir túriniń kóbeiý dinamikasynyń tolqyny bolady.
Anapa – Resei ońtústiginde, Qara teńiz jaǵalaýynda ornalasqan iri qala. Jyl saiyn munda týrister kóp keledi.
