ەلەۋمەتتٸك جەلٸلەردە رەسەي فەدەراتسيياسىنىڭ اناپا كۋرورتتىق قالاسىندا قىزىل قوڭىزداردىڭ قاپتاپ كەتكەنٸ تٷسٸرٸلگەن ۆيدەوجازبالار تارالىپ جاتىر, دەپ حابارلايدى "ۇلت اقپارات".
«قوناقٷيدە, جاعاجايدا جٷرۋ مٷمكٸن ەمەس. بارلىق جاتىن ورىندار بوس. بۇل مۋتاتسييالانعان قىزىل قوڭىزدار تەرٸزدٸ. ولار شاعىپ الادى. بارلىق جەردە جٷر. قولىڭدى سوزساڭ بولدى, بٸردەن كٶرەسٸڭ», - دەيدٸ ۆيدەوداعى جاس قىز.
شىنىمەن دە, ۆيدەودا جاعاجايدى جايلاپ العان قىزىل قوڭىزداردىڭ تىم كٶپ ەكەنٸ كٶرٸنٸپ تۇر.
تاعى بٸر ۆيدەودا ەكٸ ەر ادامنىڭ قىزىل قوڭىزداردان قاشىپ جٷرگەنٸ بايقالادى.
«مۇندايدى بۇرىن كٶرمەگەن ەدٸم», - دەيدٸ كادرداعى ەر ادام.
باق جەندٸكتەردٸڭ اناپا جاعاجايىن باسىپ الۋى تۋرالى بايانداپ وتىر.
«ەنتومولوگ مامانداردىڭ ايتۋىنشا, قىزىل قوڭىزدىڭ تەڭٸزگە قاراي جاپپاي ۇشىپ كەلۋ سەبەپتەرٸنٸڭ بٸرٸ – سالقىن ەرٸ جاڭبىرلى جاز مەزگٸلٸ. اۋا رايىنىڭ قالىپتى ەمەس جاعدايى جەندٸكتەر ميگراتسيياسىن كٷشەيتەدٸ. اناپاداعى جاڭبىردان كەيٸن كەلگەن ىستىق كٷن رايى قىزىل قوڭىزدار ٷشٸن جايلى ورتا قالىپتاستىرعان», - دەپ حابارلايدى قالالىق Anapa.Media پورتالى.
ماماندار قىزىل قوڭىزداردىڭ 10 جىلدا بٸر رەت جاپپاي كٶبەيەتٸنٸن اتاپ ٶتتٸ. جەندٸكتەردٸڭ ەربٸر تٷرٸنٸڭ كٶبەيۋ ديناميكاسىنىڭ تولقىنى بولادى.
اناپا – رەسەي وڭتٷستٸگٸندە, قارا تەڭٸز جاعالاۋىندا ورنالاسقان ٸرٸ قالا. جىل سايىن مۇندا تۋريستەر كٶپ كەلەدٸ.
