26 qyrkúiekte Reseidiń Ijevsk qalasyndaǵy №88 mektepte belgisiz er adam mektepke basyp kirip oq jaýdyrǵan. Oqiǵa kezinde kemi 13 adam qaza tapty, olardyń jeteýi – oqýshy, ekeýi - kúzetshi, ekeýi - muǵalim. Taǵy 20 adam zardap shekken. Bul týraly Ýdmýrtiia ishki ister ministrligi habarlady.
Ýdmýrtiia basshysy Aleksandr Brechalovtyń sózinshe, mektepke basyp kirgen er adam óz-ózin atyp tastaǵan.
Baza jáne "112" telegram-kanaldary mektepte qara kiim kigen er adam oq atqanyn jazdy. Onyń ne úshin mektepke basyp kirgeni ázirge belgisiz.
Telegram-kanaldar er adam aldymen kúzetshini óltirip, keiin synypqa kirip, balalardy ata bastady deidi. Mekteptiń saityndaǵy málimet boiynsha, munda 982 oqýshy oqidy jáne 80 muǵalim jumys isteidi.
Jelide taraǵan videolardan mektep mańynda politsiia, jedel járdem kólikteri men formadaǵy adamdar baiqalady. Videolardan mektepten oqýshylar shyǵarylyp jatqany da kórinedi.
