Foto: @Reuters, Foto: Instagram/@xenia_sobchak, kollaj: Massaget.kz
Reseilik jýrnalist ári telejúrgizýshi Kseniia Sobchak qazaqstandyq tennisshi Elena Rybakinanyń Ýimbldondaǵy sensatsiialyq jeńisine pikir bildirdi, - dep habarlaidy Massaget.kz.
"Ýimbldonda qandai keremet oqiǵaǵa kýá boldyq. Týrnir chempiony - Máskeýdiń týmasy, Resei azamattyǵyn Qazaqstan azamattyǵyna aýystyrǵan Elena Rybakina boldy. Qandai da bir sebeptermen ulttyq quramaǵa kire almaǵan kez kelgen sportshy mansabyn jalǵastyrý úshin azamattyǵyn aýystyrady. Elena Qazaqstan azamaty bolǵandyqtan, Ýimbldon týrnirine qatysty. Sebebi biylǵy týrnirge belorýstar men reseilikter qatysa almady. Keshe ol qarsylasyn jeńip, áielder singlinde chempion atandy. Bul - onyń alǵashqy "Úlken Dýlyǵa" ataǵy", - dep jazdy Sobchak Telegram-arnasynda.
Onyń bul pikiri Rybakinanyń jeńisin "Reseidiń jeńisi" dep júrgen áleýmettik jelilerdegi keibir jazbalarǵa jaýap boldy.
"Bul - Reseidiń emes, Qazaqstannyń jeńisi, ózimizdi aldamaiyq. Reseide oǵan eshkim múmkindik bermedi, sondyqtan úlken týrnirlerge qatysa almady. Oǵan jeńiske jetý múmkindigin bergen - Qazaqstan", - dedi Sobchak.
