Naýryzdyń basynan sáýirdiń 26-syna deiingi aralyqta Reseidiń 874 áskeri qyzmetkerinen koronavirýs tabylǵan. Maǵlumatty Resei qorǵanys ministrligi jariialady.
Koronavirýs juqtyrǵandardyń tórteýiniń jaǵdaiy aýyr, on besiniń jaǵdaiy ortasha. 320 adam aýrýhanaǵa jatqyzylǵan, qalǵandaryn arýhanada jatqyzýdyń keregi bolmaǵan.
Bul - Resei qorǵanys ministrliginiń COVID-19 juqtyrǵandar jaily alǵashqy málimeti.
Ministrliktiń málimetine qaraǵanda, koronavirýs 779 kýrsant pen joǵary áskeri oqý oryndarynyń tyńdaýshylarynan, joǵary oqý oryndaryna deiingi áskeri oqý oryndarynyń 192 oqýshysy men oqytýshysynan jáne Resei qarýly kúshteriniń 245 azamattyq qyzmetkerinen tabylǵan.
Reseide koronavirýs juqtyrǵandardyń jalpy sany 26 sáýirde 80 949 adamǵa jetti. Bir táýlikte 6361 adamnan tabylǵan. Pandemiia bastalǵaly 747 adam ólgen.
Djons Hopkins atyndaǵy ýniversitet málimetine qaraǵanda, Resei koronavirýs juqtyrǵandar jóninen álemde onynshy orynǵa shyqqan jáne taiaý arada bul kórsetkish boiynsha Qytaidan ozýy múmkin.
