sýret ashyq derekkózden alyndy
Aqmola oblysynda urlanǵan kólikterdi Reseiden Qazaqstanǵa zańsyz ákelip, tirkeýmen ainalysqan úsh er adam ustaldy, - dep habarlaidy "Ult aqparat" Qarjylyq monitoring agenttiginiń baspasóz qyzmetine silteme jasap.
"QMA oblystyq departamenti 2020-2021 jyldar aralyǵynda Resei Federatsiiasynan Qazaqstanǵa zańsyz jolmen kólik quraldaryn ákelgen azamattardyń áreketin áshkereledi.
Atalǵan tulǵalar aldyn ala kelisim boiynsha izdeýdegi kólikterdi Resei Federatsiiasynyń aýmaǵynda satyp alyp, keiinnen olarǵa jalǵan qujattar jasaǵan. Sonyń negizinde shekaradan is júzinde ótpei, Qazaqstan aýmaǵynda tirkegen. Qujattardy jáne memlekettik tirkeý nómirin alǵan soń, shekaradan ótip, satyp otyrǵan" - delingen habarlamada.
Sot úkimimen úsh azamat 8, 7 jáne 6 jylǵa bas bostandyǵynan aiyryldy. Úkim zańdy kúshine engen joq.
