Foto:elements.envato.com
Reseiden Qazaqstanǵa 21 kásiporyn kóshti, taǵy 13-i pysyqtalyp jatyr. Bul týraly Syrtqy ister ministrliginiń resmi ókili Aibek Smadiiarov málimdedi, - dep habarlaidy Tengrinews.kz agenttigi.
"Resei men Belarýste óz qyzmetin toqtatqanyn jariialaǵan iri ónerkásiptik kásiporyndar men halyqaralyq korporatsiialardy Qazaqstanǵa kóshirý boiynsha jumystar júrgizilip jatyr. Álemniń 37 elinen 362 iri kompaniianyń tizimi jasaldy. Búginde 21 kompaniia kóshirildi. Qazaqstanǵa 13-i pysyqtalyp jatyr, taǵy 28 kompaniia boiynsha belsendi kelissózder protsesi júrip jatyr", - dedi Smadiiarov Syrtqy ister ministrliginde ótken brifingte.
Ol Eýraziia qurlyǵy ortalyǵynda ornalasqanyn eskere otyryp, Qazaqstan óziniń tranzittik jáne logistikalyq áleýetin nyǵaityp otyrǵanyn aitty. Onyń aitýynsha, Qazaqstan ekonomikasynda logistikadaǵy halyqaralyq qyzmetterdiń tutas bir salasy qazirdiń ózinde qalyptasqan.
