Aqmola oblysynyń turǵyny Reseide izdeýde júrgen kólikti satyp jibergen, dep habarlaidy QazAqparat oblystyq Politsiia departamentiniń baspasóz qyzmetine silteme jasap.
Vedomstvonyń málimetinshe, 26 qarashada Kókshetaý qalalyq politsiia basqarmasynyń kezekshi bólimine oblys ortalyǵynyń turǵynynan aryz tústi. Aryz bergen áieldiń sózinshe, 2021 jyldyń shilde aiynda Kókshetaý qalasynyń 23 jastaǵy turǵyny oǵan Resei Federatsiiasynda urlanǵany úshin izdeýde bolǵan «Nissan Sunny» avtokóligin satqan. Budan áielge 1 million 50 myń teńge shyǵyn keltirilgen.
«Qazirgi kezde osyǵan bailanysty Qylmystyq kodekstiń 196-shy baby 3-shi bóligi «kórineý qylmystyq jolmen tabylǵan múlikti satyp alý nemese ótkizý» boiynsha sotqa deiingi tergeý bastaldy», - dedi vedomstvodan.
