Reseidiń Cheliabi qalasynda ótetin Sergei Kovalev (33-3-1, 28KO)-Entoni Iard (18-0, 17KO) boks keshiniń aiasynda judyryqtasýy tiis bolǵan eki qazaqstandyq sportshy ringke shyqpaityny habarlandy.
Aldaǵy 24 tamyz kúni Cheliabi qalasynda boks keshi ótip, onyń basty aiqasynda reseilik Sergei Kovalev pen britandyq Entoni Iard kezdesedi. Onyń anderkartynda qazaqstandyq eki boksshy: asa aýyr salmaqtaǵy Jan Kosobýtskii (10-0, 6KO) men ekinshi jartylai jeńil salmaqtaǵy Stanislav Kalitskii (8-0, 3KO) jekpe-jek ótkizýi tiis edi.
VKontakte áleýmettik jelisindegi «Qazaqstannyń kásipqoi boksy» paraqshasynda jazylǵandai, J.Kosobýtskiidiń kezdesýi ótpeitindigi keshe belgili bolǵan.
«Tamyz aiyndaǵy Cheliabinsk - bolmaidy. Menimen judyryqtasýdan bas tartty. Sondyqtan ringke qyrkúiektiń ortasynda Brestte shyǵýdy josparlap otyrmyn. Biraq naqty datasy áli belgisiz», - dedi boksshynyń ózi.
Sondai-aq Stanislava Kalitskiidiń ringke shyǵatyn ýaqyty aiaqasty ózgerip ketken. Buǵan deiin BoxRec.com beldi portaly onyń kelesi jekpe-jegi 24 tamyz kúni Cheliabide Kovalev-Iard boks keshiniń aiasynda ótetinin habarlaǵan bolatyn. Endigide, qazaqstandyqtyń ringke shyǵatyn ýaqyty men jeri – «7 qyrkúiek, Ekaterinbýrg» dep jazylǵan. Onyń qarsylasy ózgergen joq. Ol – reseilik Vladislav Krasnoshein (7-0-1, 2KO). Aiqas ýaqytynyń ózgerýi nemen bailanysty ekeni belgisiz.
