رەسەيدٸڭ چەليابٸ قالاسىندا ٶتەتٸن سەرگەي كوۆالەۆ (33-3-1, 28كو)-ەنتوني يارد (18-0, 17كو) بوكس كەشٸنٸڭ اياسىندا جۇدىرىقتاسۋى تيٸس بولعان ەكٸ قازاقستاندىق سپورتشى رينگكە شىقپايتىنى حابارلاندى.
الداعى 24 تامىز كٷنٸ چەليابٸ قالاسىندا بوكس كەشٸ ٶتٸپ, ونىڭ باستى ايقاسىندا رەسەيلٸك سەرگەي كوۆالەۆ پەن بريتاندىق ەنتوني يارد كەزدەسەدٸ. ونىڭ اندەركارتىندا قازاقستاندىق ەكٸ بوكسشى: اسا اۋىر سالماقتاعى جان كوسوبۋتسكيي (10-0, 6كو) مەن ەكٸنشٸ جارتىلاي جەڭٸل سالماقتاعى ستانيسلاۆ كاليتسكيي (8-0, 3كو) جەكپە-جەك ٶتكٸزۋٸ تيٸس ەدٸ.
ۆكونتاكتە ەلەۋمەتتٸك جەلٸسٸندەگٸ «قازاقستاننىڭ كەسٸپقوي بوكسى» پاراقشاسىندا جازىلعانداي, ج.كوسوبۋتسكييدٸڭ كەزدەسۋٸ ٶتپەيتٸندٸگٸ كەشە بەلگٸلٸ بولعان.
«تامىز ايىنداعى چەليابينسك - بولمايدى. مەنٸمەن جۇدىرىقتاسۋدان باس تارتتى. سوندىقتان رينگكە قىركٷيەكتٸڭ ورتاسىندا برەستتە شىعۋدى جوسپارلاپ وتىرمىن. بٸراق ناقتى داتاسى ەلٸ بەلگٸسٸز», - دەدٸ بوكسشىنىڭ ٶزٸ.
سونداي-اق ستانيسلاۆا كاليتسكييدٸڭ رينگكە شىعاتىن ۋاقىتى اياقاستى ٶزگەرٸپ كەتكەن. بۇعان دەيٸن BoxRec.com بەلدٸ پورتالى ونىڭ كەلەسٸ جەكپە-جەگٸ 24 تامىز كٷنٸ چەليابٸدە كوۆالەۆ-يارد بوكس كەشٸنٸڭ اياسىندا ٶتەتٸنٸن حابارلاعان بولاتىن. ەندٸگٸدە, قازاقستاندىقتىڭ رينگكە شىعاتىن ۋاقىتى مەن جەرٸ – «7 قىركٷيەك, ەكاتەرينبۋرگ» دەپ جازىلعان. ونىڭ قارسىلاسى ٶزگەرگەن جوق. ول – رەسەيلٸك ۆلاديسلاۆ كراسنوشەين (7-0-1, 2كو). ايقاس ۋاقىتىنىڭ ٶزگەرۋٸ نەمەن بايلانىستى ەكەنٸ بەلگٸسٸز.
