Shekarashylar Reseide joǵalǵan avtokólikterdi Ózbekstanǵa asyrmai, el shekarasynda ustady, dep habarlaidy Ulttyq qaýipsizdik komitetiniń shekara qyzmeti.
Ótken túnde Saryaǵash shekara jasaǵynyń «Qaplanbek avto» bólimshesinde Ózbekstanǵa qarai ótpek bolǵan «Toiota Rav 4» avtokóligi ustaldy.
«Tekserý kezinde onyń Resei Federatsiiasynda izdeýde júrgen avtokólik ekeni anyqtaldy. Kóliktiń júrgizýshisi 1976 jyly týǵan Tájikstan azamaty Saryaǵash aýdandyq politsiia bólimine tapsyryldy» delingen habarlamada.
Arada eki jarym saǵat ótkende Ózbekstanǵa bet alǵan taǵy bir «Toiota Rav 4» avtokóligi qolǵa tústi. Ol da Resei aýmaǵynan ushty-kúili joǵalǵan. Onyń júrgizýshisi 40 jastaǵy reseilik te politsiia qyzmetkerlerine tabystaldy.
