Reseidiń Novosibir qalasyndaǵy Gýsinobrodskii tasjolynda ornalasqan janarmai quiý stansasynda órt shyǵyp, rezervýarlar jaryldy. Bul týraly RIA Novosti tótenshe jaǵdailar qyzmetine silteme jasap habarlady.
Órttiń aldyn ala sebebi - gaztasymaldaýshy kólikti bosatý kezinde syrtqa shyqqan gaz.
Órt sóndirýshiler oqiǵa ornyna jeti minýt ishinde kelip jetken. Olar qaýipsiz qashyqtyqta jumys isteýde.
«Evrogaz» kompaniiasy ókiliniń aitýynsha, ot kólikke janarmai quiyp jatqanda tutanǵan. Bir júk kóligi men bir jeńil kólik janyp ketken.
Jalyn sharpyǵan aýmaq - 800 sharshy metr. Órt qaýpi jaǵynan úshinshi (joǵary) deńgeige jatqyzylǵan. Oqiǵa ornynda suiyq otyn quiylǵan rezervýarlar qaita-qaita jarylyp jatyr, TJM jeke quramy qaýipsiz qashyqtyqta jumys isteýde.
TASS aqparat agenttiginiń málimetinshe, qazirdiń ózinde kem degende bes jarylystyń daýsy estilgen.
Tilsiz jaýdan turǵyn úilerge qaýip joq, degenmen ot japsarlas ornalasqan qoimany sharpýy múmkin.
Oblystyq densaýlyq saqtaý ministrliginiń ókili tótenshe jaǵdai saldarynan 21 adam zardap shekkenin, olardyń segiziniń jaǵdaiy aýyr ekenin aitty.
Prokýratýra tekserýdi bastap ketti.
