رەسەيدٸڭ نوۆوسٸبٸر قالاسىنداعى گۋسينوبرودسكيي تاسجولىندا ورنالاسقان جانارماي قۇيۋ ستانساسىندا ٶرت شىعىپ, رەزەرۆۋارلار جارىلدى. بۇل تۋرالى ريا نوۆوستي تٶتەنشە جاعدايلار قىزمەتٸنە سٸلتەمە جاساپ حابارلادى.
ٶرتتٸڭ الدىن الا سەبەبٸ - گازتاسىمالداۋشى كٶلٸكتٸ بوساتۋ كەزٸندە سىرتقا شىققان گاز.
ٶرت سٶندٸرۋشٸلەر وقيعا ورنىنا جەتٸ مينۋت ٸشٸندە كەلٸپ جەتكەن. ولار قاۋٸپسٸز قاشىقتىقتا جۇمىس ٸستەۋدە.
«ەۆروگاز» كومپانيياسى ٶكٸلٸنٸڭ ايتۋىنشا, وت كٶلٸككە جانارماي قۇيىپ جاتقاندا تۇتانعان. بٸر جٷك كٶلٸگٸ مەن بٸر جەڭٸل كٶلٸك جانىپ كەتكەن.
جالىن شارپىعان اۋماق - 800 شارشى مەتر. ٶرت قاۋپٸ جاعىنان ٷشٸنشٸ (جوعارى) دەڭگەيگە جاتقىزىلعان. وقيعا ورنىندا سۇيىق وتىن قۇيىلعان رەزەرۆۋارلار قايتا-قايتا جارىلىپ جاتىر, تجم جەكە قۇرامى قاۋٸپسٸز قاشىقتىقتا جۇمىس ٸستەۋدە.
تاسس اقپارات اگەنتتٸگٸنٸڭ مەلٸمەتٸنشە, قازٸردٸڭ ٶزٸندە كەم دەگەندە بەس جارىلىستىڭ داۋسى ەستٸلگەن.
تٸلسٸز جاۋدان تۇرعىن ٷيلەرگە قاۋٸپ جوق, دەگەنمەن وت جاپسارلاس ورنالاسقان قويمانى شارپۋى مٷمكٸن.
وبلىستىق دەنساۋلىق ساقتاۋ مينيسترلٸگٸنٸڭ ٶكٸلٸ تٶتەنشە جاعداي سالدارىنان 21 ادام زارداپ شەككەنٸن, ولاردىڭ سەگٸزٸنٸڭ جاعدايى اۋىر ەكەنٸن ايتتى.
پروكۋراتۋرا تەكسەرۋدٸ باستاپ كەتتٸ.
