Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi
Ekonomika jáne biznes

Reseide jańa tólem birligin qurý usynyldy - BAQ

Ult portaly
Reseide jańa tólem birligin qurý usynyldy - BAQ


Resei Ǵylym akademiiasynyń Ekonomikalyq boljaý institýty men Makroekonomikalyq taldaý jáne qysqa merzimdi boljaý ortalyǵynyń (CMASF) ekonomisteri Reseige dos memlekettermen esep aiyrysý úshin jańa tólem birligin qurý qajet ekenin aitty, - dep habarlaidy Tengrinews.kz tilshisi RBK-ǵa silteme jasap.

Bul bastamany makroekonomikalyq taldaý jáne qysqa merzimdi boljamdaý ortalyǵy (MSQBO) men RǴA halyq sharýashylyǵy boljaý institýtynyń sarapshylary usyndy.

"Reseidi álemdik naryqtan shettetip tastaǵan jáne syrtqy saýda ainalymy úshin rýbl aiyrbastaýdy, sondai-aq, Eýropaǵa gaz eksporttaǵany úshin rýblmen aqy alýdy qiyndatqan Batys sanktsiialary dos memlekettermen esep aiyrysý úshin qajet bolatyn jańa tólem birligin qurý týraly máseleni kóterdi", - delingen usynysta.

Bastama avtorlarynyń aitýynsha, mundai birlik baǵamy álemdik naryqtaǵy resýrstardyń ortasha baǵasyna bailanysty bolady. Al syrtqy saýda operatsiialaryn júrgizý kezinde ulttyq valiýtalardy tólem birligine aiyrbastaýdy júieniń kliring ortalyǵy júrgizedi.

"Bolashaqta osy birliktiń qaitalama naryǵyn qurý josparlanyp otyr. Al bul basqa elderge ony qosymsha valiýta retinde paidalanýǵa múmkindik beredi", - deidi ekonomister.

Sarapshylardyń pikirinshe, jańa esep aiyrysý júiesine EAEO elderi, Qytai, Úndistan, Iran, Túrkiia qyzyǵýshylyq tanytýy múmkin. Osylaisha, olar geosaiasi qarý retinde paidalanylýy múmkin basqa valiýtalarǵa táýeldilikten arylady.

Oqi otyryńyz