Reseide zertteýler aiasynda 6-11 jastaǵy balalardy koronavirýsqa qarsy vaktsinalaý júrgiziledi. Bul týraly Gamaleia atyndaǵy ortalyq direktory Aleksandr Gintsbýrg málim etti, dep habarlaidy QazAqparat TASS agenttigine silteme jasap.
«Koronavirýsqa qarsy vaktsinany klinikalyq zertteý úshin 6-7 maýsymda statsionarǵa balalar ata-analarymen birge erikti túrde jatqyzylady. Bul úsh kúnge sozylady. Demek, 9-10 maýsymda vaktsina salý josparlanǵan», - dedi ol.
RF Densaýlyq saqtaý ministrligi 24 qańtarda 6 jastan 11 jasqa deiingi balalarǵa Gamaleia atyndaǵy ortalyq ázirlegen koronavirýsqa qarsy vaktsinaǵa klinikalyq zertteýler júrgizýdi maquldady. Aleksandr Gintsbýrg zertteý úsh jarym aiǵa sozylýy múmkin ekenin atap ótti.
