Arnaiy quqyqtyq rejim – «Baqylanatyn mekendeý jeri» - Reseide bolýǵa quqyǵy joq, biraq túrli jaǵdailarǵa bailanysty, mysaly, koronavirýsqa bailanysty ózin-ózi oqshaýlaý saldarynan elde qalýǵa májbúr bolǵan migranttar úshin engiziledi. Bul týraly Reseidiń ishki ister ministrliginiń baspasóz ortalyǵy málim etti, dep habarlaidy TASS agenttigi
«Kóshi-qon salasyndaǵy qaýipsizdik pen quqyqtyq tártipti qamtamasyz etý tetiginiń tiimdiligin arttyrýǵa baǵyttalǵan profilaktikalyq sipattaǵy sharalardyń biri retinde zańnamaǵa «Baqylanatyn mekendeý jeri» – Arnaiy quqyqtyq rejimin engizý josparlanýda. Ol Reseide bolýǵa zańdy negizi joq, biraq belgili bir sebeptermen onyń aýmaǵynda júrgen migranttarǵa qatysty belgilenedi», - dedi ortalyq ókili.
Ishki ister ministrligi jańa quqyqtyq rejim sheteldikterge qatysty qoldanylatynyn túsindirdi, mysaly, jer aýdarý týraly sheshimderdiń oryndalýy toqtatylǵan nemese taǵaiyndalǵan jazalardy oryndaý qajettiligine, sot protsesterine qatysýǵa bailanysty Reseiden ketýi shektelgen shetel azamattaryna qatysty qoldanylady.
«Rospotrebnazordyń belgili bir sanitarlyq erejelerin, sonyń ishinde ózin-ózi oqshaýlaý rejimin saqtaý týraly nusqaý bergen áleýmettik qaýipti juqpaly aýrýlardan zardap shegetin sheteldikterge qatysty osyndai rejimdi ornatý máselesi qarastyrylýda», - dep tolyqtyrdy vedomstvo.
IIM osylai baqylanatyn sheteldikterge qatysty birqatar shekteýler zańnamalyq túrde engizilýi múmkin ekenin habarlady. Sondai-aq, Resei Federatsiiasynyń Ákimshilik quqyq buzýshylyq týraly kodeksine sheteldik azamattardyń arnaiy quqyqtyq rejimin buzǵany úshin jaýapkershilik belgileý turǵysynan tiisti ózgerister engizý máselesi qarastyrylýda.
Ishki ister ministrliginiń málimetinshe, ótken jyldyń naýryzynan bastap koronavirýs pandemiiasy bastalǵan ýaqyttan beri shamamen 1,6 million migrant elde bolý merzimi aiaqtalǵannan keiin Reseiden ketpegen. Qabyldanǵan sharalar 400 myńǵa jýyq adamnyń quqyqtyq mártebesin retteýge múmkindik berdi.
