Reseide COVID-19 indeti sharyqtaý shegine jetti dep aitý erterek, jaǵdaidy qadaǵalaý kerek. Bul týraly baspasóz máslihatynda RF Densaýlyq saqtaý ministrliginiń shtattan tys bas mamany-epidemiolog Nikolai Briko málimdedi, dep habarlaidy QazAqparat.
«Sońǵy birneshe kúnde ósim (kúndelikti ósim) 8-10% boldy, árine, bul burynǵyǵa qaraǵanda 15-17% az. Biraq aýrý órshýiniń shyrqaý shegine jettik dep aitýǵa áli erte. Jaǵdaidy qadaǵalaý kerek, ne bolatynyn kóreiik. Qandai da bir qorytyndy jasaý úshin keminde bir apta qajet», - dep atap ótti N.Briko.
N.Briko sonymen qatar koronavirýstyń taralýymen kúresý úshin Resei Federatsiiasyna engizilgen shekteý sharalaryn mamyr meiramdary qarsańynda uzartý qajet ekenin aitty.
Jedel shtabtyń málimetine sáikes, elde sońǵy táýlikte 5236 adam COVID-19 juqtyrǵan. Al koronavirýs juqtyrǵandardyń jalpy sany – 57999. 4420 adam saýyǵyp, aýrýhanadan shyqty.
Bir kún ishinde 57 patsient kóz jumǵan. Indetten qaitys bolǵandar sany – 513 adam.
