Reseidiń Vladimir oblysynda poiyzǵa soǵylǵan avtobýs júrgizýshileriniń ekeýi de Ońtústik Qazaqstan oblysynyń turǵyndary bolǵan. Bul týraly Qazaqstannyń Reseidegi elshiliginiń baspasóz qyzmeti málimdedi, dep habarlaidy "Ult aqparat".
Jol apatynan 1977 jyly týǵan Nurǵali Sarmanov aman qaldy. Qazirgi ýaqytta odan tergeýshiler jaýap alyp jatyr. Ekinshi júrgizýshi 1970 jylǵy Daniiar Shildebaev qaitys bolǵan.
Esterińizge sala keteiik, Reseidiń Vladimir oblysynda jumaǵa qaraǵan túni avtobýs pen poiyz soǵysqan. Sońǵy málimetterge súiensek, jol apatynan 17 adam qaza tapqan. IIM málimetinshe, avtobýs baǵdarshamnyń qyzyl túsine júrgen. Óńirlik TJM ókilderi qazaqstandyq avtobýs bolǵanyn habarlady.
