Foto: uiymdastyrýshylardan
4 sáýir kúni «Ekaterinbýrg-Ekspo» halyqaralyq kórme ortalyǵynda AtomSkills-2025 kásibi sheberlik chempionatynyń jabylý saltanaty ótti, dep habarlaidy Ult.kz.
Jarysqa Resei, Qytai, Túrkiia, Egipet, Bangladesh, Ońtústik Afrika, Ózbekstan, Belarýs, Indoneziia, Úndistan men Qazaqstannan barǵan 2000-nan astam qatysýshylar men sarapshylardyń basyn biriktirdi. Halyqaralyq formattaǵy dástúri dodada Qazaqstandyq qatysýshylar 9 júldeli orynǵa ie boldyAtomSkills-2025 básekesine qatysqan negizgi jáne stýdenttik ligalary bes kún boiy synǵa tústi.
Jarysty uiymdastyrǵan «Rosatom» memlekettik korporatsiiasynyń quramyndaǵy kásiporyndar men komandalyq diviziondar, sondai-aq iri kompaniialar men oqý oryndarynyń ókilderi óz mamandyǵy boiynsha úzdik atanýǵa kúresti. Chempionatqa qatysýshy joǵary oqý oryndary men kolledjderdiń sany – 70-ke deiin jetti. Bul degenińiz tehnikalyq jáne injenerlik salada kásibi damýǵa degen qyzyǵýshylyqtyń artyp kele jatqandyǵyn kórsetedi.
Aita ketý kerek, ótken jyldarmen salystyrǵanda Qazaqstannan jarysqa qatysýshylar sany edáýir artqan. 2024 jyly eki qatysýshy bolsa, 2023 jyly 3 maman baq synaǵan. Al biyl olardyń sany 19 adamǵa jetip otyr. AtomSkills sarapshysy retinde tehnikalyq mamandanýdan bastap, qorshaǵan ortany qorǵaý men himiialyq taldaýǵa deiingi túrli salalar boiynsha Qazaqstannan 6 kásibi maman qatysty.
Foto: uiymdastyrýshylardan
Chempionattyń mamandyq úlesi 44-ke deiin ósti. Olardyń ishinde «Dánekerleý tehnologiialary», «Injenerlik jobalaý», «Kompozitter tehnologiiasy», «Ónerkásiptik avtomatika», «Baǵdarlamalyq robottandyrý», «CNC stanoktaryndaǵy frezerlik jumystar» jáne basqada mamandyqtar engen. Sonymen qosa demonstratsiialyq formatta jańa baǵyttar usynyldy: «1S: Kásiporyn platformasynda biznes-qosymshalardy ázirleý" jáne "grafikalyq dizain». Barlyq konkýrstyq tapsyrmalar ózekti salalyq jáne halyqaralyq standarttarǵa sáikes keldi.
Foto: uiymdastyrýshylardan
Biyl AtomSkills tórt birdei aýqymdy kólemdegi iskerlik baǵdarlamadaǵy taqyrypty qamtyp otyr: «Kásiptik baǵdar», «Pedagogikalyq», «Kadrlyq» jáne «Ata-ana». Osy taqyryptar aiasynda konferentsiialar, forýmdar, sheberlik sabaqtar, jobalyq jáne taldamalyq sessiialar ótti. Atalǵan salada tehnologiialyq kóshbasshyǵa ainalyp, turaqty damýdy qamtamasyz etýde kásiptik bilim berý júiesiniń róli negizgi taqyryp boldy.
