Rospotrebnadzor Ortalyq epidemiologiia ǵylymi-zertteý institýtynyń ǵalymdary «omikron» shtamynyń úsh kishi túrin, sonyń ishinde VA.2-ni anyqtaýdyń jańa ádistemesin shyǵardy, dep habarlaidy QazAqparat TASS aqparat agenttigine silteme jasap.
Rospotrebnadzordyń Ortalyq epidemiologiia ǵylymi-zertteý institýtynda SARS-CoV-2 koronavirýsynyń «omikron» shtamynyń úsh túrin anyqtaýǵa baǵyttalǵan jańa zerthanalyq ádisteme ázirlendi. Bul ádisteme institýt ǵalymdary qurǵan epidemiologiialyq jaǵdaiǵa monitoring quraldarynyń arsenalyn aitarlyqtai keńeitedi», - delingen habarlamada.
Zertteý naqty ýaqyttaǵy PTR ádisi arqyly júzege asyrylady. Vedomstvonyń málimetinshe, ázirleme jedel virýsologiialyq monitoring júrgizýge jáne epidemiologiialyq jaǵdaidyń ózgerýine der kezinde den qoiýǵa múmkindik beredi.
Rospotrebnadzordyń Ortalyq epidemiologiia ǵylymi-zertteý institýtynyń sekvenirleý tehnologiialaryna negizdelgen jańa diagnostikalyq ádisterdi ázirleý jónindegi ǵylymi toptyń jetekshisi Kamil Hafizov shtamdar sýbliniialarynyń paida bolýy virýstyq evoliýtsiia turǵysynan kútpegen jaǵdai emes dep túsindirdi.
Daniia ǵalymdarynyń zertteýinshe, omikron shtamynyń BA.2 kishi túri áldeqaida juqpaly jáne koronavirýsqa qarsy ekpe salǵan adamdarǵa jaqsy juǵady. Hafizovtyń aitýynsha, ol Reseide 44 aimaqta anyqtalǵan, onyń úlesi juqtyrýdyń jalpy sanynyń 3% quraidy.
