Reseide bir táýlik ishinde koronavirýs 5 102 adamnan anyqtalyp, indetti juqtyrǵandardyń jalpy sany 902 701-ge jetti. Bul týraly sársenbi kúni tilshilerge jedel shtabtan málim etti, dep habarlaidy "Ult aqparat" TASS agenttigine silteme jasap.
Shtab málimetinshe, virýsty juqtyrýdyń bir táýliktegi ósimi on birinshi kún qatarynan 0,6 paiyzdan kóterilmei tur.
Máselen, Máskeý qalasynda jańadan 689 oqiǵa, Sverdlov oblysynda – 167, Sankt-Peterbýrgte – 161, Máskeý oblysynda – 152 jáne Rostov oblysynda 127 oqiǵa anyqtalǵan.
Qazirgi kezde elde 177 143 adam koronavirýstan emdelip jatyr. Táýlik ishinde aýrýhanadan 7 123 adam emdelip shyqsa, barlyǵy 710 298 adam indetten aiyqqan. Aýrýdan jazylyp shyqqandardyń úlesi Reseide koronavirýs juqtyrǵan adamdardyń jalpy sanynyń 78,7 paiyzyn qurap otyr.
Qaýipti virýstan qaitys bolǵandar sany táýlik ishinde 129 adamǵa kóbeigen, infektsiiadan barlyǵy 15 260 adam kóz jumdy. Reseide indetten qaitys bolǵandardyń úlesi aýrý juqtyrǵan adamdardyń jalpy sanynyń 1,69 paiyzyn qurap otyr.
