رەسەيدە بٸر تەۋلٸك ٸشٸندە كوروناۆيرۋس 5 102 ادامنان انىقتالىپ, ٸندەتتٸ جۇقتىرعانداردىڭ جالپى سانى 902 701-گە جەتتٸ. بۇل تۋرالى سەرسەنبٸ كٷنٸ تٸلشٸلەرگە جەدەل شتابتان مەلٸم ەتتٸ, دەپ حابارلايدى "ۇلت اقپارات" تاسس اگەنتتٸگٸنە سٸلتەمە جاساپ.
شتاب مەلٸمەتٸنشە, ۆيرۋستى جۇقتىرۋدىڭ بٸر تەۋلٸكتەگٸ ٶسٸمٸ ون بٸرٸنشٸ كٷن قاتارىنان 0,6 پايىزدان كٶتەرٸلمەي تۇر.
مەسەلەن, مەسكەۋ قالاسىندا جاڭادان 689 وقيعا, سۆەردلوۆ وبلىسىندا – 167, سانكت-پەتەربۋرگتە – 161, مەسكەۋ وبلىسىندا – 152 جەنە روستوۆ وبلىسىندا 127 وقيعا انىقتالعان.
قازٸرگٸ كەزدە ەلدە 177 143 ادام كوروناۆيرۋستان ەمدەلٸپ جاتىر. تەۋلٸك ٸشٸندە اۋرۋحانادان 7 123 ادام ەمدەلٸپ شىقسا, بارلىعى 710 298 ادام ٸندەتتەن ايىققان. اۋرۋدان جازىلىپ شىققانداردىڭ ٷلەسٸ رەسەيدە كوروناۆيرۋس جۇقتىرعان ادامداردىڭ جالپى سانىنىڭ 78,7 پايىزىن قۇراپ وتىر.
قاۋٸپتٸ ۆيرۋستان قايتىس بولعاندار سانى تەۋلٸك ٸشٸندە 129 ادامعا كٶبەيگەن, ينفەكتسييادان بارلىعى 15 260 ادام كٶز جۇمدى. رەسەيدە ٸندەتتەن قايتىس بولعانداردىڭ ٷلەسٸ اۋرۋ جۇقتىرعان ادامداردىڭ جالپى سانىنىڭ 1,69 پايىزىن قۇراپ وتىر.
