Reseide eki adam koronavirýsqa shaldyqty. Ekeýi de Qytai azamaty. Bul týraly Reseidiń vitse-premeri Tatiana Golikova aitty. Reseide koronavirýspen kúresýdiń qosymsha sharalary engizildi, dep habarlaidy RIA Novosti.
Dertke shaldyqqandardyń bireýi Zabaikalede, ekinshisi Túmen oblysynda. Ekeýiniń de densaýlyǵy qalypty. Dene qyzýy kóterilmegen, dep málimdedi Rospotrebnadzor basshysy Anna Popova.
Aldyn ala málimetke sáikes, Ýhan qalasynda 300 reseilik qalǵan. Taǵy 341-i Hýbei qalasynda. Resei biligi Qytaidan oralǵysy keletin azamattarynyń sanyn naqtylap, bort ázirleidi.
Buǵan deiin Ulybritaniiada koronavirýs anyqtalǵany týraly habarlanǵan bolatyn. Ekeýi de bir otbasynyń múshesi.
Bul eldiń densaýlyq saqtaý ministrligi virýspen kúresýge daiyn ekenin jetkizdi. Qazirgi ýaqytta bilik dertke shaldyqqandarmen bailanysta bolǵandardy anyqtap jatyr.
