Foto: t.me/gumvd74
Qostanaidan Ekaterinbýrgke bet alǵan vahtalyq jumysshylar mingen avtobýs Reseidiń Cheliabinsk oblysynda apatqa ushyrady, - dep habarlaidy Tengrinews.kz tilshisi Nakanýne.RU basylymyna silteme jasap.
Jol apaty búgin tańǵy saǵat 6-da Kýnashak aýdany aýmaǵynda Ekaterinbýrg qalasyna baratyn joldyń 85-shaqyrymynda bolǵan.
"Aldyn ala boljam boiynsha júrgizýshi jaýǵan qardyń kesirinen kólik tizginine ie bola almai, kólik shuńqyrǵa aýdarylǵan. 13 adam zardap shekti, olar Cheliabinsk, Kýnashak jáne Kasli aýdandaryndaǵy meditsinalyq mekemelerge jetkizildi. Avtobýsta 22 jolaýshy bolǵan. Olar vahtalyq jumys isteý úshin Qostanaidan Ekaterinbýrgke bara jatqan", - delingen habarlamada.
Basylym málimetinshe, avtobýsty 12 jyl tájiribesi bar Ekaterinbýrg turǵyny basqarǵan. Ol Resei Federatsiiasynyń jol qozǵalysy erejelerin buzǵany úshin ákimshilik jaýapkershilikke tartylmaǵan.
