Reseidiń Vladimir oblysynda Pokrov stantsiiasynyń temirjol ótkelinde poiyz ben jolaýshylar avtobýsy soqtyǵysyp, saldarynan 17 adam qaza tapqan, - dep habarlaidy kaz.tengrinews.kz tilshisi óńirlik IIMB ókilderine silteme jasap. BAQ-tyń málimetinshe, avtobýs Qazaqstannan barǵan.
"Aldyn ala málimet boiynsha, búgin, 6 qazanda saǵat 03:29-da Vladimir oblysynda "Pokrov" temirjol stantsiiasynda jolaýshylar avtobýsy temirjol baǵdarshamynyń ruqsat etilmegen belgisine júrip ketip, saldarynan poiyzben soqtyǵysqan. Avtobýs salonynda bolǵan onnan asa adam qaza tapqan", - delingen habarlamada.
Sondai-aq, qazirgi ýaqytta oqiǵa ornynda politsiia qyzmetkerleri jumys istep jatqany aitylady. Oqiǵanyń mán-jaiy men qaza tapqandardyń aty-jónderi anyqtalyp jatyr.
Al Mash pabliginiń málimetinshe, avtobýsta Qazaqstan azamattary bolǵan delinedi. QR SIM resmi ókili Ánýar Jainaqov óz kezeginde vedomstvonyń oqiǵanyń mán-jaiyn anyqtap jatqanyn habarlady.
