Qazaqstandyq 37 jastaǵy Erjan Omarhanov reseilik telearnalardaǵy siýjetterdiń juldyzyna ainaldy. Grek-rim kúresiniń bapkeri órt shyqqan avtobýstan 48 jolaýshyny qutqaryp qalǵan. Olar sol kezde Qazaqstannan Reseige jol júrip bara jatqan, - dep habarailaidy Vesti.ru.
Basylymnyń málimetinshe, ótken jeksenbide jolaýshylar avtobýsy Semeiden Novosibirge shyqqan. Sol túni avtobýs órtengen. Jolaýshylardyń barlyǵy uiyqtap jatqanda Erjan Amarhanov alǵashqylardyń biri bolyp oianyp ketken. Ol lezde jolaýshylardy oiatyp, buǵattalǵan esikterdi ashyp, adamdardy qutqara bastaǵan.
"Erjan bolmaǵanda, meni jáne ápkemdi oiatpaǵanda, biz qaitys bolar ek. Erjan balalardyń barlyǵyn shyǵaryp, avtobýs esikterin syndyrdy", - dep eske aldy jolaýshylardyń biri Kirill Riavkin.
"Bul isim úshin maqtanbaimyn. Eń bastysy, barlyǵy aman-esen. Qujattarym, kóshi-qon kartam, jeke kýáligim jáne aqshalar sonda qaldy. Kólik alýǵa bara jatqam. 270 myń rýbl boldy", - deidi Erjan Amarhanov búkil qujattarynyń órtenip ketkenin aita otyryp.
Kóshi-kon basqarmasynyń qyzmetkerleri óz kezeginde er adamǵa kómektesip, qujattardy jedel túrde rásimdep berdi. Erjanǵa Novosibir oblysy boiynsha qozǵalý qaǵazy men pasportyn qaita jasatý úshin Ombydaǵy konsýldyqqa deiin jetýge anyqtama berildi.
