قازاقستاندىق 37 جاستاعى ەرجان ومارحانوۆ رەسەيلٸك تەلەارنالارداعى سيۋجەتتەردٸڭ جۇلدىزىنا اينالدى. گرەك-ريم كٷرەسٸنٸڭ باپكەرٸ ٶرت شىققان اۆتوبۋستان 48 جولاۋشىنى قۇتقارىپ قالعان. ولار سول كەزدە قازاقستاننان رەسەيگە جول جٷرٸپ بارا جاتقان, - دەپ حابارايلايدى Vesti.ru.
باسىلىمنىڭ مەلٸمەتٸنشە, ٶتكەن جەكسەنبٸدە جولاۋشىلار اۆتوبۋسى سەمەيدەن نوۆوسٸبٸرگە شىققان. سول تٷنٸ اۆتوبۋس ٶرتەنگەن. جولاۋشىلاردىڭ بارلىعى ۇيىقتاپ جاتقاندا ەرجان امارحانوۆ العاشقىلاردىڭ بٸرٸ بولىپ ويانىپ كەتكەن. ول لەزدە جولاۋشىلاردى وياتىپ, بۇعاتتالعان ەسٸكتەردٸ اشىپ, ادامداردى قۇتقارا باستاعان.
"ەرجان بولماعاندا, مەنٸ جەنە ەپكەمدٸ وياتپاعاندا, بٸز قايتىس بولار ەك. ەرجان بالالاردىڭ بارلىعىن شىعارىپ, اۆتوبۋس ەسٸكتەرٸن سىندىردى", - دەپ ەسكە الدى جولاۋشىلاردىڭ بٸرٸ كيريلل رياۆكين.
"بۇل ٸسٸم ٷشٸن ماقتانبايمىن. ەڭ باستىسى, بارلىعى امان-ەسەن. قۇجاتتارىم, كٶشٸ-قون كارتام, جەكە كۋەلٸگٸم جەنە اقشالار سوندا قالدى. كٶلٸك الۋعا بارا جاتقام. 270 مىڭ رۋبل بولدى", - دەيدٸ ەرجان امارحانوۆ بٷكٸل قۇجاتتارىنىڭ ٶرتەنٸپ كەتكەنٸن ايتا وتىرىپ.
كٶشٸ-كون باسقارماسىنىڭ قىزمەتكەرلەرٸ ٶز كەزەگٸندە ەر ادامعا كٶمەكتەسٸپ, قۇجاتتاردى جەدەل تٷردە رەسٸمدەپ بەردٸ. ەرجانعا نوۆوسٸبٸر وبلىسى بويىنشا قوزعالۋ قاعازى مەن پاسپورتىن قايتا جاساتۋ ٷشٸن ومبىداعى كونسۋلدىققا دەيٸن جەتۋگە انىقتاما بەرٸلدٸ.
