Reseide 60 myń Qazaqstan azamaty jumys istep júr. Bul týraly Eńbek jáne halyqty áleýmettik qorǵaý ministri Birjan Nurymbetov málim etti, dep habarlaidy "Ult aqparat".
Búgin Parlament Senatynda jumys kúshin tartý taqyrybyna arnalǵan keńeste depýtat Baqytjan Jumaǵulov Qazaqstannyń qansha azamaty shetelde jumys istep júrgenin surady.
Birjan Nurymbetovtyń sózine qaraǵanda, búginde Qazaqstannyń qansha azamaty syrtta jumys istep júrgendiginiń esebi joq.
«El azamatynyń shetelde jumys isteýi úshin memleketten ruqsat suraýy mindetti emes. Sondyqtan ony shekaradan asqanda, iaǵni ketip bara jatyp bergen jaýabynan ǵana bilýge bolady. Olar jumysqa nemese qonaqqa bara jatqanynan aitady», - dedi vedomstvo basshysy.
Sonymen qatar, ministr Eýraziialyq ekonomikalyq odaq elderinde qansha Qazaqstan azamaty eńbek etip jatqanyn aitty.
«EAEO-daǵy málimet boiynsha, bes eldiń ishki ister ministrlikteriniń derekterine qaraǵanda, Armeniiada Qazaqstannyń 15 azamaty, Belarýste – 229, sondai-aq Reseide 60 246 azamatymyz jumys isteýde. Al Qyrǵyzstan tiisti málimetti bermegen», - dedi B. Nurymbetov.
