Reseide bir táýlikte koronavirýs juqtyrǵandar sany 20 582 adamǵa jetti. Bul – pandemiia bastalǵaly tirkelgen eldegi eń joǵary kórsetkish. RF-da indetke shaldyqqandardyń jalpy sany 1 733 440 adamǵa jetken, dep habarlaidy TASS agenttigi.
Koronavirýspen kúres jónindegi jedel shtabtyń málimeti boiynsha ósim 1,2%-ǵa artqan.
Bir táýlikte jazylyp shyqqan reseilikterdiń sany 16 955 adamǵa jetti. Elde jalpy 1 296 124 patsient saýyǵyp shyqqan. Bul barlyq virýsqa shaldyqqandardyń 74,8%-yn quraidy.
Reseide koronavirýstan bir táýlikte 378 adam kóz jumǵan. Infektsiiadan jalpy 29 887 patsient qaitys bolǵan.
