Reseidiń Federaldyq qaýipsizdik qyzmeti elde tyiym salynǵan «Katiba Taýhid val-Djihad» halyqaralyq terroristik uiymynyń eki múshesiniń kózin joidy, dep habarlaidy TASS.
Olar Volgogradta lańkestik áreketter jasamaq bolǵan.
Resei FQQ-nyń Qoǵammen bailanys ortalyǵynan málim etkendei, terroristerdiń qyzmeti Siriia aýmaǵynan basqarylyp otyrǵan. Olar «bilik ǵimarattaryna, áskeri qyzmetshilerdiń turǵylyqty jerlerine jáne jarylys-órt qaýpi bar kásiporyndarǵa» shabýyl jasaýdy josparlaǵan.
«Ustaý operatsiiasy barysynda uiym basshysy men onyń sybailasy Resei FQQ qyzmetkerlerine qarýdy paidalana otyryp, qarsylyq bildirgennen keiin olardyń kózi joiyldy», - delingen aqparatta.
Budan bólek, oqiǵa ornynan Volgograd kartasy tabylǵan, onda josparlanǵan terroristik shabýyldardyń orny kórsetilgen. Atap aitqanda, kartada qara túspen «Otan Ana» monýmentiniń janynda shabýyl uiymdastyrylmaq bolǵany belgilengen.
