Reseidegi Leningrad oblysy Kingisepp qalasynda belgisiz bireý oiyn alańynda oinap júrgen balalarǵa oq atqan.
Saldarynan 10 jastaǵy bala moinynan jaraqat aldy. Atalǵan oqiǵa boiynsha qylmystyq is qozǵaldy. Bul týraly Tergeý komitetiniń óńirlik tergeý basqarmasy málimdedi, dep habarlaidy "Ult aqparat" TASS agenttigine silteme jasap.
«Belgisiz adam Leningrad oblysynyń Kingisepp qalasynyń Oktiabrskaia kóshesinde ornalasqan balalar alańyna jaqyn jerde buzaqylyq nietpen qarý retinde belgilenbegen qurylǵyny qoldanyp, alańda oinap júrgen balalarǵa qarai keminde bir ret oq atqan. Saldarynan on jasar bala moinynan jaraqat aldy» - delingen basqarma habarlamasynda.
Atalǵan fakti boiynsha RF QK 213 baby 2-tarmaǵy boiynsha («Qarýdy nemese qarý retinde paidalanylatyn zattardy qoldanyp buzaqylyq jasaý») qylmystyq is qozǵaldy.
Tergeý komitetiniń málimetinshe, oqiǵa jeksenbi kúni bolǵan. Qazirgi tańda jaraqat alǵan bala aýrýhanada jatyr, onyń ómirine esh qaýip tónip turǵan joq.
Politsiia oq atqan adamdy izdestirýde. Politsiianyń málimetinshe, bala moiynnyń jumsaq tinderinen jaraqat alǵan.
