Telejúrgizýshi Vladimir Solovevti "Magnitskii tizimi" boiynsha Eýro odaq pen AQSh aýmaǵyna kirýge tyiym salýdy qoldap, Italiia azamattyǵyn berýge qarsylyq bildirgen petitsiiaǵa 200 myńnan astam adam qol qoiǵan. Petitsiia Change.org platformasynda jaryq kórgen.
Petitsiiany 2019 jyly qazan aiynda pravoslav sviashennik-emigranty Sergii ákei italian tilinde jariialaǵan. Ol Italiianyń ishki ister ministri men Italiia halqyna úndeý arnap, "Soloviov agressiiashyl ritorikasymen jastardy azǵyrdy. Sonyń áserinen jastar jeke áskeri bólimderge qosylyp, Siriia men Ýkrainaǵa qarý kóterip kirdi" dep jazdy.
Sergii ákei "telejúrgizýshiniń málimdemeleri ksenofobiia men ekstremizmge toly bolsa da Pýtinniń diktatorlyq rejimine jaqyndyǵyna bailanysty jazasyz qalyp otyr" dep sanaidy.
Petitsiiada "Solovev Italiiada úii men yqtiiarhaty bola tura Resei telearnasynda demokratiialyq qundylyqtarǵa jáne Eýropa odaǵynyń qundylyqtaryna qarsy úgit-nasihat júrgizip keledi" deidi.
Italiia biliginiń ókilderi petitsiia jaily pikir bildirgen joq. Al Solovev "petitsiia qyzyqtyrmaityn" aitty.
"Rossiia 1" telearnasy júrgizýshisiniń Italiiadaǵy Komo kóli jaǵasynda eki villasy bar ekeni, bireýiniń baǵasy million dollardan asatyny, sonymen qatar Italiiada turýǵa yqtiiarhaty bar ekeni Resei oppozitsiiasynyń ókili Aleksei Navalnyidyń zertteýinde aitylǵan.
2017 jyldyń sáýirinde Vladimir Solovevtiń Almatyǵa kelip, "kóshbasshy bolýdy úiretetin sheberlik klasyn ótkizbek bolǵanyna" bailanysty Qazaqstan qoǵamynda da túrli qarsylyq paida bolǵan.
Qarsy pikirdegiler Resei Qyrymdy anneksiialaǵannan keiin "Solovev Ýkrainanyń aýmaqtyq tutastyǵyna nuqsan keltirýge baǵyttalǵan áreketterdi qoldaýshylar qatarynda bolǵanyn, mundai adamnyń Qazaqstanǵa kelýi durys emes" dep sanaitynyn bildirgen.
Alaida mundai pikirlerge qaramastan Vladimir Solovev Almatyǵa kelip, "sheberlik sabaǵyn ótkizip" ketken.
2018 jyly shildede Vladimir Solovevtiń telehabar kezinde "Qazaqstan Kaspii teńizindegi áskeri bazalaryn AQSh-qa berip qoidy" dep málimdegeni de Qazaqstan nazaryn aýdarǵan, bir aptadan soń Astana bul sózdi teriske shyǵarǵan.
