Resei joǵarǵy soty oppozitsiialyq saiasatker Aleksei Navalnyidyń Ortalyq sailaý komissiiasynyń (OSK) sheshimine qarsy bergen talabyn qanaǵattandyrmady, dep habarlaidy "Ult aqparat".
Navalnyi ózine prezidenttikke kandidat etip tirkeýden bas tartqan OSK sheshimimen kelispei, joǵarǵy sotqa júgingen bolatyn. Oppozitsioner Konstitýtsiia boiynsha prezident sailaýyna kandidat retinde qatysýǵa quqyǵy baryn aitady. Navalnyidy prezidenttikke kandidat retinde tirkeýden bas tartqan biliktiń sheshimin Eýropa Odaǵy synaǵan.
Jeltoqsannyń 25-i kúni OSK Aleksei Navalnyidy "Kirovles" isi boiynsha shyǵarylǵan sot úkimine bailanysty prezidenttikke kandidat retinde tirkeýden bas tartqan. Buǵan jaýap retinde oppozitsioner jurtshylyqta sailaýǵa boikot jariialaýǵa shaqyryp, narazylyq aktsiiasy ótetinin jariialaǵan. Budan soń bilik ókilderi Navalnyidyń sailaýǵa boikot jariialaýǵa shaqyrýynyń Resei zańdaryna sáikestigin tekserý qajettigi týraly málimdegen.
Reseide kezekti prezident sailaýy 2018 jylǵy naýryzdyń 18-ine belgilengen. Bul jolǵy sailaýǵa túsýge niet bildirgender arasynda qazirgi prezident Vladimir Pýtin, telejúrgizýshi Kseniia Sobchak, kásipkeler quqyǵy jónindegi ýákil Boris Titov, Resei liber-demokratiialyq partiiasynyń lideri Vladimir Jirinovskii, "Iabloko" partiiasynyń tóraǵasy Grigorii Iavlinskii jáne Resei federatsiiasy kommýnistik partiiasynan túskeli otyrǵan Máskeý túbindegi sovhoz direktory Pavel Grýdinin bar.
